-D.G.A- 11 URTE 11 BORROKA!

2011-12-12T16:16:00.000+01:00

Ernioko kobazulora irteera

Pasa den larunbatean, egun ospatzen ari garen urtemugaren barruan, Ernioko kobazulora irteera egin genuen. Goizeko 9etan Gaztetxean bildu, eta 18 lagunez osatutako taldean Pagoeta inguruetara abiatu ginen. Akerzulo espeleologia elkartekoen laguntzaz, kobazuloan barrena hiru orduko txangoa egin genuen, honek eskeintzen dituen ikuspegi ederrez gozatuz. Ondoren, Debara itzuli eta Gaztetxean bertan baba jana egin genuen, lagunarteko giro paregabean.

2011-12-11T19:54:00.001+01:00

MUMIA ABU-JAMAL ASKATU!

30 URTE ESPETXEAN

http://mumiaaske.wordpress.com/

Mumia Abu-Jamal, Philadelfiako poliziaren arrazakeria eta indarkeria salatzen zuen Pantera Beltza Alderdiko kide ohi, ekintzaile eta kazetari ezaguna, 1981eko abenduaren 9an Daniel Faulkner polizia zuria erailtzeagatik heriotza zigorrera izan zen kondenatua. Pistola hori Mumiak erabili zuela esaten zuen froga finkorik ez zegoen gau hartan; bala Mumiak berak jaso baitzuen polizia haren eskutik eta lurrean jausita baitzegoen. Bi hilabete geroago ordea, ospitalean Mumiak gertakizunaren ardura hartu zuelakoaz “oroitu” zen polizia. Tiroketaren ondoren, gertakizunaren tokitik gizon bat ihesi atera zela adierazi zuten 5 lekuko. Alabaina, epaitua eta heriotzara zigortua izan zen Albert Sabo epailearengandik, zoritxarrez EEBBan afroamerikar gehien heriotza zigorrera bideratzeagatik ezaguna den epaile jauna.

80. eta 90. hamarkadetan zehar Mumiaren aldeko nabaritasunen helegiteen aurkezpena ukatua izan da eta bere errugabetasuna geroz eta ageriagoa zen. Besteak beste, epai-mahaia aukeratzean irizpide arrazistak gailendu ziren, eta lekukoek poliziaren presiopean deklarazio faltsuak adierazi zutela aitortu izan dute. Gainera, epaileek eta aldeko frogen ezkutatzeak, Mumiarentzako baldintzazko defentsa saihestu dute.

EEBBetako eta mundu osoko kaleetan Mumiaren aldeko babes handia zela eta, 1995ko eta 1999ko exekuzio datak indargabetuak gelditu ziren eta 2001era pasa zioten heriotza sententzia kaleratzeko epea; nahiz eta Mumia erruduntzat jo. 2008ko martxoaren 27an Hirugarren Zirkuituko Auzitegi Federalak Mumiaren errudungabetasuna erakusteko epaiketa berri baten aukera ukatu arren, heriotza zigorra bertan behera utzi zion. Eta 2009ko apirilaren 6an, Auzitegi Gorenak gora jotzeak ukatu zizkioten, epaiketa berri baten aukera guztiz ekidituz.

Baina 2010eko urtarrilaren 19an Mumiaren egoera txarrerantz egin zuen, Auzitegi Gorenak heriotza zigorra berrezarri bait zion. Kasua berriz aztertzeko asmoarekin beheko beste auzitegi batera bideratu ze, Frank Spisak neonazioaren kasuan Auzitegi Gorenak heriotza zigorra berrezartzeko erabakiaren aurrean.

2010eko azaroaren 9an, Hirugarren Zirkuituak bi kasuen heriotza zigorraren inguruko argudioak entzun zituen, eta inorrek espero ez zuenean, Auzitegi Gorenaren presioa gainditu eta zera jakinarazi zuen: “Sententzia zehazteko entzutegi bat burutu gabe, Filadelfiako fiskaltzak ezin du Mumia Abu-Jamal hilarazi”.

Ondoren, 2011ko apirilaren 26an Hirugarren Zirkuituko Auzitegi Federalak biziarteko zigorra onartu eta heriotza zigorra bertan behera utzi zuen, exekuzio hori Konstituziotik at zegoela argudiatuz. Epaimahaiak 2008ko erabakia babestuz, heriotza zigorra berriz ezeztuz. Filadelfiako poliziaren eskutan dagoen Fiskaltzak Auzitegi Federalaren erabakia gora jo zuen, eta azkenik, 2011ko urriaren 11n Auzitegi Gorenaren sententziaren arabera, Fiskaltzak Mumia exekutatu ahal izateko epaiketa berri bat antolatu beharko du.

Bistan da EEBBko auzitegi sisteman, Mumiarentzako justizia aukerarik ez dagoela. Heriotza motela suposatzen duen bizi osorako zigorra du, eta Estatuaren heriotza mehatxua zutik mantentzen da. Azken finean, Mumia, munduko preso politiko esanguratsuenetarikoa dugu, Pantera Beltza Alderdiko kide izateagatik, MOVE erakundea bultzatzeagatik edota bere izaera eta adierazpen iraultzaileengatik sistemak gatibu duelako. Eta bere isolamenduko gelaxkatik espetxeak diren kontzentrazio esparruei buruz, inperialismoaren azpijokoen azterketei buruz, erresistentzia istorioei buruz, eta munduko borroka sozial guztiei eta preso sozial zein politiko guztiei elkartasuna helaraziz egunero idazten digu. Isolamendua hautsiz, jada 6 liburu idatzi ditu eta bere irratsaioak munduan zehar zabaltzen dira.

“Ahots gabekoen ahotsa” bezala ezagutua den Mumia Abu-Jamalek, 30 urte daramatza Pensilvaniako SCI Greene espetxean preso politiko moduan, bizi osorako zigorraren eta heriotza zigorraren artean borrokatzen, heriotza eta bizitzaren artean borrokatzen.

2011-11-28T20:03:00.001+01:00

HEMEN DA XI. URTEMUGA!

Aurtengo abendu osoan zehar ere hainbat ekintza burutuko ditugu Debako Gazte Asanbladaren 11. Urtemuga ospatzeko!

Hemen egitarauaren aurrerapen bat, nahiz eta guztiz osatua ez egon, joango gara zehazten! Adi kartelei, tuenti eta blogari!

ANIMATU ETA PARTE HARTU!

11 URTE 11 BORROKA

D.G.A.

2011-11-14T15:13:00.004+01:00

Debako Gazte Asanbladak duela 4 urte Madrilen Nazi-Faxista batek hil zuten Carlos Palomino gazte antifaxistaren oroimenez.

Oroimena eta borroka!
Debako Gazte Asanblada

2011-11-05T15:28:00.003+01:00

Badator... Urtemuga!

Aurten ere Debako Gazte Asanbladak Debako Gaztetxearen 11. Urteurrena ospatuko du 11 Urte 11 Borroka lelopean. Aurtengoan ere ekintza ugari burutuko dira herrian zehar eta horretarako guztion laguntza ezinbestekoa da. Hemendik ere, urtemuga potente bat prestatzen laguntzeko deia luzatzen dizuegu. Besterik gabe!

Debako Gaztetxea, 11 Urte 11 Borroka

Animatu eta parte hartu! D.G.A.

2011-08-25T14:24:00.003+02:00

HITZALDIA: "GIPUZKOAREN JATORRIA"

Irailak 1, arratsaldeko 19.00etan Debako Gaztetxean.

DVD emanaldia + solasaldia.

Hizlaria: Beñi Agirre

ANIMATU ETA PARTE HARTU!

2011-07-01T14:29:00.002+02:00

UDAKO BIDEO EMANALDIAK!!

Udako igande gauetarako plan paregabea egongo da Debako Gaztetxean. Gaueko 22.00etan film emanaldiak emango dira, oraingoz 6 pelikula pentsatu ditugu. Baina egunak aurrera joan ahala agian pelikula gehiago botatzen ditugu.

Emanaldiak:

GRAN TORINO Uztailak 3

MALDITOS BASTARDOS Uztailak 10

EL SEÑOR DE LA GUERRA Uztailak 17

MILLION DOLLAR BABY Uztailak 24

CHE EL ARGENTINO Uztailak 31

CHE GUERRILLA Abuztuak 7

ANIMATU ETA PARTE HARTU!!

2011-07-01T14:25:00.003+02:00

FANDANGO ETA ARIN ARIN IKASTAROAK!!!

Uztailak 4, 6 eta 7 arratsaldeko 18.00etan Debako Gaztetxean.

Ikastaroak Debako Gure Kai dantza taldeak emango ditu.

Jai Herrikoien Aldeko Kolektiboa.

2011-06-24T01:20:00.002+02:00

BADATOR... GARAGARDO FESTA!!

Uztailak 8, Ostirala. Debako gaztetxian

Arratsaldeko 17.00etatik aurrera barra irekiko da

-Garagardo mota ugari.

-Txakurtxo beroak

eta giro paregabea!!

Nola ez, aurten ere Debako gaztetxeko udako jaialdi arrakastatsuena egingo dugu, Garagardo festa. Betiko legez, garagardoa, txakurtxoak eta sekulako jai giroa egongo da.

ANIMATU ETA PARTE HARTU!

2011-06-24T01:18:00.000+02:00

2011-06-20T16:23:00.003+02:00

SORGIN GAUA!!

Ekainak 23, Osteguna, debako hondartzan.

18.00etatik aurrera gaztetxeko barra irekiko da, musika, tragoak eta jai giroa

22:30 Elkarretaratzea
23:00 Akelarrea

**Animatu eta euskal mitologiako pertsonaia batez mozorratu! Bakoitzak ekarri dezala musika instrumentua, gaua alaitzeko!

Sorgin gaua sortu berria den, debako jai herrikoi, gazte eta partehartzaileen aldeko kolektiboak; Jai Herrikoien Aldeko Kolektiboa-k antolaturiko lehen jaialdia izango da. Beraz, sekulako giroa izango dugu debako hondartza aldean.

ANIMATU ETA PARTE HARTU!!!

Jai Herrikoien Aldeko Kolektiboa

2011-06-15T23:40:00.003+02:00

ZERGATIK EZ? II.KAPITULUA

Ekainak 18, Larunbata goizeko 10.00etan Debako Gaztetxean, Zergatik ez? herri eskolaren bigarren kapitulua burutuko da.

Egitaraua:

-El Proceso de Burgos filmaren emanaldia.
-Itziar Aizpurua prozesatuaren testigantza.

P.D: Gosaria egongo da.

ANIMATU ETA PARTE HARTU!!!

2011-06-07T23:54:00.002+02:00

X. PLAZATIK GAZTETXERA BERTSOLARI GAZTEEN TXAPELKETA DEBAKO GAZTETXEAN!!

Ekainaren 11, gaueko 22:45etan

Bertsolariak:
Aitor Urbieta
Xabat Galletebeitia
Ander Elortegi
Aitor Arrizubieta
Olatz Ibarluzea
Oihana Iguaran

ANIMATU ETA PARTE HARTU!!!

2011-06-01T20:21:00.006+02:00

STRIKERS-en CD AURKEZPENA!!!

Ekainak 4, Larunbata Debako Gaztetxean, gaueko 10etan:

STRIKERS
DOUBLING BOYS

COLD REVENGE
SECUESTRO EXPRESS

Sarrera: 5 €
*Sarrerarekin batera Strikers taldearen Gure Izaera diska berria zuretzat!CDan datorren sarrerarekin etorriz gero dohainik!

ANIMATU ETA PARTE HARTU!!

2011-05-19T11:46:00.002+02:00

BADATOR PLAZATIK GAZTETXERA 2011!

Aurtengo Plazatik Gaztetxeran Bertso Klip lehiaketa egongo da.

Aurkezteko epea: EKAINAK 5.
Saria: janari ekologikoz betetako zestua.

*lehiaketako oinarriak

ANIMATU ETA PARTE HARTU!!

2011-05-11T19:08:00.000+02:00

SELEKZIOEN EGUNA!

Maiatzak 14ean, Danok Zornotzara !!

nazio bat, selekzio bat.

2011-05-11T18:41:00.000+02:00

ZERGATIK EZ?

Hona hemen larunbateko herri eskolan landutako gaien inguruko material gehigarria. Alde batetik, komunikabideen manipulazioaren adibide bat eta bestetik, PNL teknikaren beste ariketa bat.

Komunikabideen manipulazioa

BIDEOA

TESTUA

Beste testu batzuk:

La noticia, las fuentes y las partes

Nota informativa del Gobierno Revolucionario

Intentan crear en Cuba otro mártir de pandereta

Muere ciudadano cubano: ha comenzado nueva campaña de mentiras

Pancreatitis aguda mató a Soto García. No hubo paliza policial

¿Buitres del “capitalismo sui géneris” imponen agenda de corresponsales en Cuba?

PNL teknikaren ariketa

DESKARGATU

2011-04-29T14:47:00.002+02:00

1. Kapitulua; Maiatzak 7

EGITARAUA:

GOIZEZ: 10etan
-Ikasten ikasi I (PNL)
-Nola detektatu komunikabideen gezurrak (Libia)

HERRI BAZKARIA

ARRATSALDEZ:
-Arrisku nuklearra eta prebentzio sistemak.

ZERGATIK EZ??

ANIMATU ETA PARTE HARTU!

2011-03-15T00:21:00.006+01:00

IRTEERA SAGARDOTEGIRA!
Martxoak 26

Prezioa: 35€ (Autobusa+Afaria Otsua-Enea sagardotegian)
19.00etan irteera paseo estalitik, bueltatzeko ordua 4rak aldera Hernanin.

Apuntatzeko, Gaztetxean eta Aitor tabernan.
(Martxoak 23, apuntatzeko azken eguna)

ANIMATU ETA PARTE HARTU!!

2011-03-01T16:04:00.004+01:00

INAUTERI FESTA!!

18:00etan barra librea
20:00tan Karaokea eta sari ematea:

- Abeslari onenaren saria
- mozorro indibidual originalaren saria
- talde mozorro originalaren saria
- Abeslari txarrenaren saria
- Mozorro eskasenaren saria

Gaztetxera sartzean baso bat emango zaizue eta aurreko urtean bezala itxi arte barra librea!!!

Sarrera 10€

ANIMATU ETA PARTE HARTU!!

2011-03-01T15:20:00.004+01:00

IZPURAKO ITXIALDIAN EGONDAKO 8 GAZTETATIK 4 ATXILOTU DITUZTE

Aiala Zaldibar Alavarado, Bergoi Madernaz del Pozo, Beñat Lizeaga eta Aitziber Plazaola atzeman ditu frantziar poliziak, Baionan eta Donibane Garazin.

AAMren oharra:

Aiala Zaldibar Alavarado, Bergoi Madernaz del Pozo, Beñat Lizeaga eta Aitziber Plazaola Izpuran astea pasatu zuten SEGIko 8 militanteetako lau atxilotu dituzte.

Goiz honetan Baionako San Andreseko aparkalekuan Aiala Zaldibar eta Bergoi Madernaz del Pozo. Joan den larunbatean Kanboko kantaldiaren kari, Ipar Euskal Herriko hautetsi delegazio batek gazte horiek haien etxeetan hartzea erabaki zutela azaldu zuen. Aiala eta Bergoi geroztik Gamarteko kontseiluaria den Luxi Oxandabaratzen etxean instalatu ziren.

Polizia frantsesak ez du denborarik galdu beraz sarekada berri bat martxan ezartzeko. Paueko epaitegiak Bergoien kontrako euroagindua onartzen badu, Aialarenarekin egin zuen bezala, fite presondegi espainioletara urte luzeak pasatzera bidaliko dituzte, haien idei politikoak publikoki adierazteagatik.

Aitziber Plazaola eta Beñat Lizeaga Alice Leizegezahar, Europe-Ecologie-ko Akitania Herrialdeko kontseilariaren Uharte-Garaziko etxean bizi ziren.

Lau dira beraz momentuz gazte atxilotuak.

Elgarretaratzeak izanen dira arrats honetan 6.30tan Baionako kontsulatuaren aintzinean eta 7tan Lartzabaleko itzulgunean.

Bestalde, datorren larunbatean arratsaldeko 3tan Baionako San Leoneko itzulgunetik abiatuko den giza katean parte hartzea deitzen dugu.

Topatu.info

2011-03-01T15:15:00.003+01:00

LAU BILBOTAR ATXILOTU DITU GUARDIA ZIBILAK

Espainiar berri agentziek eman duten informazioaren arabera gaur goizean atxilotuak Daniel Pastor, Lorena López, Beatriz Etxebarria eta Iñigo Zapirain dira. Iturri horien arabera, ETAren aurkako operazioa da eta atxilotuak espainiar polizi baten aurkako atentatuarekin lotzen ditu Guardia Zibilak.
Goizaldean Grande Marlaskaren aginduz Guardia Zibilak burutu duen operazioan lau atxilotu egon dira:

- Danien Pastor (Bilboko Errekalde auzoan)
- Iñigo Zapirain (Bilboko alde zaharrean)
- Beatriz Etxeberria (Bilboko alde zaharrean, Iñigo Zapirainekin batera)
- Lorena Lopez (Bilbon, Errekalde auzoan)

Lauak Bilbokoak dira.

Gaur arratsaldean mobilizazioak burutuko dira alde zaharrean eta Errekalden. Lehen Barakaldon mobilizazioa izango dela aipatu dugu baina momentuz ez dugu horren berririk.

Dirudienez Iñigo Zapirain atxilotua ondoren Barakaldora eraman dute miaketa batean parte hartzera. Iturbide kalean Bea Etxeberriaren etxea miatu dute.

Lau atxilotuen abokatuek Habeas Corpusa eskatu dute, alegia, atxilotuak berehala epailearen aurrera eramanak izan daitezela. Bestetik, inkomunikazioa ekiditeko neurriak ere eskatu dituzte. Senideei beraien egoeraren berri ematea maiztasun batekin, konfidantzazko medikuaren bisita izatea zortzi orduro, eta atxiloaldi osoa kameraz grabatzea.

Bihar goizean Amnistiaren Aldeko Mugimenduak agerraldia burutuko du atxilotuen senideekin.

AMMren irakurketa:

Guardia Zibilak gaur goizean Bizkaian burutu duen polizia operazioa dela eta Amnistiaren Aldeko Mugimendutik benetako kezka azaldu nahi dugu atxilotuak izan diren herritarrek jasan ditzaketen tortura basatien aurrean. Guardia Zibilak sistematikoki erabiltzen du tortura horrelako polizia operazioetan, inkomunikazio aldia baliatzen dutelarik atxilotuei mota guztietako tratu txar físiko nahiz psikologikoak eragiteko.

Euskal Herrian abian den eta astez aste gorpuzten ari den prozesu politikoaren aurrean errepresioa da Espainiako Gobernuak hartu duen jarrera politikoa. Benetako prozesu demokratikoa baten aldeko lanak errepresioa du ordainetan oraindik orain. Honela
torturarekin, espetxearekin, sakabanaketarekin eta antzeko atxiloketekin erantzuten die Espainiako Gobernuak euskal herritarron askatasun, konponbide eta bake nahiei.

Errepresioaren aurrean mobilizazioa eta presio soziala areagotzea dagokigu. Horretan ari gara eta hori erakusten dute azken hilabeteotan burutuko ditugun masa mobilizazio ikaragarriek. Herritarron mugimenduak eta aktibazioak ekarriko du errepresioaren gelditzea eta desaktibazioa.

Zentzu honetan datozen egunetan Bilbo neta Barakaldon burutuko diren mobilizazioetan parte hartzeko deia luzatzen dugu.

Topatu.info - Gara

2011-02-28T19:04:00.008+01:00

EUSKAL HERRIARI BABESA ADIERAZI DIOTE MILANEN 1500 LAGUNEK

Eskubide zibil eta politikoak eta autodeterminazioa eskatu dituzte Euskal Herriarentzat Milanen. 1.500 lagun inguru batu ziren Milanen eginiko manifestazioan, “Hamaika herri, borroka bakarra” lemapean. Egunean zehar, trikitalari, txalapartari eta joaldunek Milaneko herritarrak harritu zituzten, bai eta errepresaliatu politikoen argazkiek ere.

Askapenaren oharra:

Euskal Herriarekiko V. nazioarteko elkartasun astea amaitzeko, Hamaika herri, borroka bakarra lelopean, manifestazioa egin zuten atzo ehunka lagunek Milanen (Italia). Cordusio plazatik abiatu zen martxan, 17:00etan. Askapenak jakinarazi zuenez, 1.500 pertsona elkartu ziren Euskal Herriari elkartasuna adierazteko. Italiako Euskal Herriaren Lagunak taldeko kideek hartu zuten parte ekimenean, beste herri batzuetako ordezkariekin batera. Besteak beste, Kurdistango, Bretainiako, Korsikako eta Irlandako ordezkariak izan ziren han. Euskal Herritik joandako ordezkaritza zabal bat izan zen manifestazioan: joaldunak, txalapartariak eta ehunka euskal herritar joan ziren Milanera, Askapenako hainbat kiderekin batera.

Giro alaitsuan egin zuten manifestazioa, trikitilarien erritmoaren laguntzarekin. Diritti civi e politici per il popolo basco. Autodeterminazione ora! zioen pankarta erraldoi batek zabaldu zuen bidea, Euskal Herriarentzat eskubide zibil eta politikoak eta autodeterminazioa eskatuz.

«Euskal Herria askatu» oihua nagusi izan zen Milango kaleetan, eta euskal presoen eskubideen aldarrikapenak ere presentzia handia izan zuen, preso eta iheslarien argazkiak erakutsi baitzituzten ibilbide guztian. Espainiako turismo bulegoaren aurretik pasatzean, torturaren kontrako kartelak itsatsi zituzten manifestariek, eta Kolonbiako gobernuaren kontrako oihuak entzun ziren herrialde horretako enbaxadaren ondotik igarotzean.

Hasi bezala bukatu zen atzoko manifestazioa: festa giroan. Gau partean ere aldarrikapenak segida izan zuen, Hesian eta Banda Bassotti taldeen kontzertuekin.

Buenos Airesen ere bai

Buenos Airesko kaleetara ere iritsi zen Euskal Herriarekiko elkartasuna, ostiralean, Euskal Herriaren Lagunak taldeak deitutako manifestazio batekin. Ehunka lagunek protesta zaratatsua egin zuten Espainiako kontsulatuaren atariraino, euskal presoen eskubideen aldeko pankarta baten atzean.

topatu.info

2011-02-28T18:57:00.012+01:00

AIALA ZALDIBAR ETA BERGOI MARDENAZ ATXILOTU DITU FRANTZIAR POLIZIAK

Izpurako itxialdian zeuden SEGIko 8 gazteetako bi dira hauek. Baionako aparkaleku batean zeudela izan dira atxilotua. Elkarretaratzeak deitu dira atxiloketa salatzeko.

Aiala Zaldibar Alavarado eta Bergoi Madernaz del Pozo, Izpuran astea pasatu zuten 8 SEGIko militanteetako bi atxilotu dituzte goiz honetan Baionako San Andreseko aparkalekuan. Joan den larunbatean Kanboko kantaldiaren kari, Ipar Euskal Herriko hautetsi delegazio batek gazte horiek haien etxeetan hartzea erabaki zutela azaldu zuen. Aiala eta Bergoi geroztik Gamarteko kontseiluaria den Luxi Oxandabaratzen etxean instalatu ziren.

Elgarretaratzeak izanen dira arrats honetan 6.30tan Baionako kontsulatuaren aintzinean eta 7tan Lartzabaleko itzulgunean.

Bestalde, datorren larunbatean arratsaldeko 3tan Baionako San Leoneko itzulgunetik abiatuko den giza katean parte hartzea deitzen dugu.

EUROAGINDUEI EZ!

ESKUBIDE ZIBIL ETA POLITIKOEI BAI

topatu.info

2011-01-15T23:22:00.005+01:00

U-27 GREBA OROKORRA, GAZTEOK KALERA!!

ELAk, LABek, EILASek, EHNEk, Hiruk eta bestelako hainbat eragileek Urtarrilaren 27an Greba Orokorrareko deialdia egin dute, Pentsioen erreformaren aurka.

Herri honetako etorkizuna izanik, gazteok ere badugulako zer esan!

INPOSATURIKO ETORKIZUNAREN AURKA!

U-27 GAZTEOK KALERA!!

2011-01-05T13:01:00.007+01:00

10 URTE 11 BORROKA

Urtemugako azken ekintza handiak!!

URTARRILAK 7, KONTZERTUAK GAZTETXEAN 22.00etan
-SECUESTRO EXPRESS
-STRIKERS
-TXABOLA CREW
-THE LAST STRENGTH

Sarrera 3€

URTARRILAK 8, SORO FERI EGUNA
-16:00etan Bilboko Manifestazio Nazionalera busa
-21:30etan Luntx-Afari irekia
-23:00etan Erromeria gaztetxian

ANIMATU ETA PARTE HARTU!!

2011-01-02T21:21:00.008+01:00

MUS TXAPELKETA GAZTETXEAN!

Urtarrilak 4, arratsaldeko 17:00etan Mus txapelketa gaztetxean, 8 erregetara.
Izen ematea egunean bertan.

ANIMATU ETA PARTE HARTU!!

2010-12-25T12:53:00.023+01:00

OFIZIALTASUNA ORAIN!

Abenduak 29, Asteazkena Bilbon:

11:30 Pirritx eta Porrotx Pailazoak.
13:00 Herri kirolen erakustaldia.
15:00 Euskal Dantzaldiak.
16:30 Amaiur musika taldea.
18:30 Manifestazio Nazionala (Areatzatik-Euskaldunara).
20:45 Partidua ikusteko pantaila erraldoia.
22:45 Amaiur musika taldea.

OHARRA: Jada itxi da partidura gaztetxearekin joateko zerrenda.

** GAUR, A-28, 5etan gaztetxean dirua emateko, 25€.

NAZIO BAT SELEKZIO BAT, HERRI BAT GAZTETXE BAT

2010-12-22T16:35:00.005+01:00

EGIN DEZAGUN URRATSA!

EUSKAL PRESOAK EUSKAL HERRIRA, DAGOZKIEN ESKUBIDE GUZTIEN JABE!

Urtarrilak 8 Bilbon 17:30etan, manifestazio nazionala.
Autobusa debatik, apuntatzeko gaztetxean.

GU ERE JOANGO GARA!

ANIMATU ETA PARTE HARTU!!

2010-12-20T13:43:00.020+01:00

ZINEFORUMA GAZTETXEAN!!!

Gabonetan zehar zieforuma egingo da Debako

Gaztetxean. 3 pelikula proiektatuko dira:

V de Vendetta, Good bye Lenin! eta Munich

Ostegunero 22:30tan Debako gaztetxean.

ANIMATU ETA PARTE HARTU!!

2010-12-13T20:32:00.009+01:00

ELKARTASUN ASTEA DEBAKO GAZTETXEAN!!!

-ABENDUAK 14, ASTEARTEA. BIDEO EMANALDIA GAZTETXEAN 19:00etan:
Hautsitako lehioa (Gazteen aurkako erasoak)
POR (Torturen inguruko testigantzak)

-ABENDUAK 16, OSTEGUNA. HITZALDIA, GAZTETXEAN 19:00etan:
"Debako presoen egoera espetxeetan"

-ABENDUAK 18, LARUNBATA. KONTZERTUAK GAZTETXEAN 22:30etan

DIRTY BROTHERS
GAZTE IRAULTZA

INTERPRETE DESONOZIDO

Sarrera 3€

ANIMATU ETA PARTE HARTU!!

2010-12-04T14:37:00.010+01:00

GAZTE ASANBLADA LOGO BILA DABIL!!

Gazte asanblada logo berri baten bila dabil, hortarako logo lehiaketa egitea pentsatu dugu.

OHARRA: ARAZO TEKNIKOENGATIK ENTREGATZEKO EPEA ATZERATUKO DA, ORAINDIK ZEHAZTEKO DAGO EGUNA.

Entregatzeko: Formatu digitalean, paperean (A3), datu pertsonalak, dena gutun itxi batean sartuta.
Entregatzeko epea: abenduaren 20tik 23ra
Saria: 2 pertsonentzat afaria

ANIMATU ETA PARTE HARTU!

2010-11-27T01:05:00.007+01:00

ABENDUAK 11, AKERZULO 5. URTEMUGA!!

Gazte Asanbladako espeleologia taldeak 5 urte bete ditu! Abenduak 11, larunbata, urtemuga ospatuko dugu.

9:00etan KOBAZULOETARA IRTEERA, GAZTETXETIK ABIATUZ

14:30etan BAZKARIA, BABAJANA GAZTETXEAN! APUNTATZEKO: MAXI, AITOR ETA GAZTETXEAN(Ostiral eguerdia azkenengo eguna)

18:00etan DJ IRI eta DJ BARRENE!

ANIMATU!!

2010-11-26T17:31:00.010+01:00

ABENDUAK 3 EUSKARAREN EGUNA!!

HARRIKA (Rock, Trintxerpe)

http://www.myspace.com/harrikataldea

KASIK (Rock, Azpeiti)

http://www.myspace.com/kasiktaldea

EGURRA TA KITTO (SKA, Azpeiti)

http://www.myspace.com/egurratakitto

SARRERA 3 €

ANIMATU ETA PARTE HARTU!

2010-11-23T19:25:00.009+01:00

LARUNBATA 27, GARAGARDO FESTA GAZTETXEAN!

Larunbat honetan, azaroak 27, garagardo festa Debako Gaztetxean!

12:00tan Garagardoaren inguruko tailerra
18:00etan Garagardo Festa. Garagardo mota ezberdinak, txakurtxo beroak, musika eta giro ona. Gaztetxean egindako garagardoa ere egongo da salgai!

ANIMATU!

2010-11-16T22:15:00.009+01:00

KONTZERTUA: LARUNBATA 20, 22:00etan DEBAKO GAZTETXEAN

-IN YOUR FACE (Streetpunk Urola)

-RESKIZIO (Punk-Rock, Iruñea)

-DESKRIADOS (Punk-Rock, Ordizia)

-TXABOLA CREW (Oi!, Deba)

SARRERA: 3€

Arratsaldetik gaztetxea zabalik!

2010-11-16T21:38:00.004+01:00

DEBAKO GAZTETXEA BIZIRIK!

2010-11-13T13:06:00.007+01:00

ELEKTROTXARANGA TOLOSAN!

Lehengo astean Elektrotxarangak Tolosako kaleak juerga giro eder batez jantzi zituen. Elektrotxarangarekin batera debako zenbait gaztek bidaiatu zuten Tolosara, sekulako kalejira sortuz.

2010-11-09T17:57:00.009+01:00

DEBAROCK KOLEKTIBOAren MAKETA DOAIN DESKARGATU!

Jada badago Debarock Kolektiboak 2009ko udan kaleratu zuen cda doain deskargatzea.

Cd honetan Debako STRIKERS, DEBASER, TXABOLA CREW, SECUESTRO EXPRESS eta PAJARRAKO Y SUS RAKOLEGAS taldeek hartu zuten parte.

DESKARGATU: http://www.megaupload.com/?d=XXA8OMMS

Abestiak:

1-Hooligans-Secuestro Express

2-Since 69-Secuestro Express

3-Heroes of today (Perkele)-Pajarrako y sus Rakolegas

4-Un 'altra domenica (Atarassia Grop)-Pajarrako y sus Rakolegas

5-Gure izaera-Strikers

6-Borroka-Strikers

7-Zer egin zuek gabe-Strikers

8-Zinetika-Debaser

9-Gazte betiko-Debaser

10-Iskanbila-Debaser

11-Ixiltasuna-Txabola Crew

12-Euskal Herria-Txabola Crew

2010-10-31T16:10:00.015+01:00

GAZTE KIROL-EN GARAIPENA

Aurreko ostiralean Gazte Kirolek futbito txapelketako bigarren partidua jokatu zuen polikiroldegian,Hachis Saint Germain-en aurka.Partida gogorra izan zen,Hachisekoek aurkari gogorrak direla erakutsi zuten eta, baina azkenean Gatze Kirolekoek garaipena erdietsi zuten.

Izan ere, lehen zatian markagailuak bi taldeen arteko parekotasuna erakutsi zuen,eta hala jarraitu zuen ere bigarren zatiko lehen minutuetan.Baina partida amaitzeko minutu gutxi falta zirela Iker Velak jarraian sartutako hiru golek errenta bikaina eman zieten Gazte Kirolekoei.Horrela azken emaitza 8-5 izan zen.

Urrengo partidua hilaren 5ean, ostirala, jokatuko dute,Fontanerias-en aurka.Beraz,ea animatzen zareten polikiroldegira joan eta gorridunak animatzera!

2010-10-31T14:35:00.014+01:00

TORTURARIK EZ!

Milaka pertsona bildu ziren atzo arratsaldean Donostian (TAT) Torturaren Aurkako Taldeak "Torturarik ez" lelopean antolaturiko manifestazioan, aste honetan espainiar estatuko indar polizialak euskal gazteriaren aurka burutu zuen sarekadan atxilotuei eragindako torturen salaketa helburu zuelarik.

Euskal gazteria aurrera!

2010-10-18T16:02:00.009+02:00

Ongi etorriak Debako Gazte Asanbladaren blog berrira, hemen gaztetxearekin loturiko ekintzei buruzko informazioa edukiko duzue eskuragarri; kontzertuak, hitzaldiak, jaialdiak eta bestelako ekitaldiak.

Asanblada irekiak astero.

ANIMATU ETA PARTE HARTU!